بالعامية.. حرامية؟!

بي دي ان |

15 نوفمبر 2022 الساعة 12:58ص

- قلت له: يجوز شرعا وقانونا أن تتظاهر أنك بخير؛ العم عشم كان  شغال في شركة بسيطه، على فيض الكريم؛ جيت اكلمه عن الاستيراد  والتجارة، فرد على  وهو ميت من الضحك. طبعا أنا عرفت هو ليه كان بيضحك بصفاء ومودة جدا.. المهم، سألني ، ووقف يتكلم معايا. وبعدين، قال لي بهدوء: هو إنت عايز تشتري وتبيع وتستورد ليه؟!، وأصلا حكاية المعابر مليانة ضرائب  وناس بتعامل التجار  على انهم مهربين!! ، تخيل الضرائب من كل لون وطعم وملة؟! فأنا ابتسمت، وقلت له: من ينزل البحر لا يخشى من البوري؛ أنا اللي هاقوم بهذه المهمة... الراجل سكت وبص لي بصة ذكية، ويبدو إني مافهمتهاش.. عم عشم ده، دمه زي العسل.

قلت له : فهمنا طيب قال: حاضر تؤمر.. ليست هناك اقتصاد ولا سياسة، ولا يحزنون ..القضية تعانى من الشلل  السياسي، والادارى والمؤسسى وتفشى الفساد ، واقتصاد غير معروف الهوية ولا الاتجاه ، وحصيلة سنوات من تنفيذ مخطط الانقسام الصهيوني، والفوضى والاضطراب.. ومع ذلك يتم تجاهل كل ذلك بشكل كامل دون خطة ولا رؤية. و كما العادة غبائنا قسمنا شيعا و طوائف و جماعات..كما العادة غبائنا خسرنا كل الخطوات التى قطعناها. فى سبيل تنحية الخلافات و الوقوف ككتلة كبيرة. امام مخطط الانقسام الصهيوني؛ رجعنا شلل و جماعات. و الناس كلها عارفين. تقصد هم اغبياء مش إحنا؟ لا خالص....احنا اغبياء و هم كما العادة فى الوساخة أذكياء!!

- قلت: يا نهار أزرق على مسلسل ألف ليلة ده، في بلد لا يكف مسؤولوه عن ترديد عبارة "رفع المعوقات عن المواطنين عموما  والتجار والمستثمرين بشكل خاص"! قال: أسوأ من الفاسدين وأحقر، أولئك الذين يبررون لهم فسادهم، ويلتمسون لهم المعاذير ! والتبرير، و اللي بيشكي خاله لخاله، واللي بيبكي على أمواله، أهل الحكم صحيح مساكين. برضه هناك  طايفة من المسؤولين- غير مسؤولون- اللي دماغهم عاملة زي لحمة الراس،  دايما متزمرين وبيشتكوا من قلة رزق -شبه- الحكومة، ومن العيشة الزفت، ويرازوا التجار وأصحاب المصالح، و في اللي رايح واللي جاي.


 - قال: دا غير وقائع الفساد المرعبة، الفساد تحت وفوق، والبيروقراطية والتسيب في المؤسسات شبه الحكومية والخاصة!! وموالسة مخطط الانقسام
الصهيوني،  مش عايزة تأسس، ولا عايزة تعمل رصيد تبني عليه، ولا عايزة تحط معايير عقلانية ومنطقية تمثل بنية تحتية صلبة للتجارة والاقتصاد والتنمية، وإنما بتشغل بالجباية، وبفرض الضرائب المضحكة، وبالمنع والتقليص، وخطط لتطوير مزارع المكرونة النموذجية و مناجم البن  الحديثة!! والنتيجة هي اتساع مساحات اقتصاد التسول، اقتصادات الخراب العشوائي  والفساد، وتسرب كل شيء إلى اليد السودة وخلق طبقات وشرائح من حثالة اشباه المسؤلين، وظلم وخراب للشركات والتجار ورجال الأعمال ونواب البرطمان السابق  ورؤساء وأعضاء مجالس إدارات.

- قلت: طيب ممكن اصحاب السلطتين .. أو على الاقل  سلطة واحده منهم  تبقى لطيفة وتفتح صدرها للأموال اللي هاتدخل، وتاخد ضريبة معقولة مني، وتسيبني أدخل شوية البضاعة بتوعي؟! ولا بتفرض ضرائب ، وجمارك، وعوايد، وكمان. زيادة عدد العاطلين  عن العمل، عشان اليد السودا، و السوق السودا والجمارك والضرائب المهببة  تنتعش، والدبابير تعشش في كل مكان بمعرفة بتوع الجمارك وبتوع الضرايب وبتوع الخراب المنتشرين في كل أصقاع البلاد، المحتلة المقدسة، المقسمة  المنقسمة المقسومة على عينها وعين اصحابه ، وبرضه بمعرفة شبه الحكومة والجمارك واللي شغالين في الحكومات وسلطتين، و انتعاش اسواق الخراب ،في المعابر وفي المصانع، والمزارع والمحاجر والجبال!! ده حتى الحطابين فى الجبال و الفلاحين فى الوديان و العواجيز امام المدفأة، و الناس كلها عارفين؟!

- قال: نعم .. الناس عارفين، كمان أن الشيطان لا يقتسم  المال مع السيد المسؤل الذي يسرقه، و هذا يعني أنه يوسوس له جدعنة و من باب المحبة الخالصة بدون أي غرض!. لا مؤاخذه؟!! طيب إنت جرب واعمل منتجات جيدة ومحترمة وضرائب معقولة ، وانشر الميزانية ، وتراعي البشر، وشوف هل الناس هايجيبوا من برة أم لا!! حاول تراعي ضميرك، وتراعي صورة القضية اللي إنت قارفنا بيها، وإنت أول واحد بيشوه صورة القضية أصلا!! ربنا يهديكم  ويبعدكم وتحلوا عن دماغ  أبونا بقى.. إحنا اتنفخنا.

- قلت: طبعا.. مش هاتكلم عن حكاية الضرائب، هي اللي بتجيب فلوس أكتر للخزينة، ومنعرفش عنها حاجه.. خالص مالص بلاص!! ولا في ميزانية ولا موازنة!!  قال: هو إنتوا مجانين رسمي؟! إنتوا مخبولين؟! هو إنتوا فعلا بتوسعوا اقتصاد التسول والخراب وبتدعموا الفساد واقتصاد الظل والاحباب والمساعدات؟! هل هناك جدوي من الاستمرار فى الكلام ؟مش عارف.. كل موقف بيمر على القضية وكل ازمة، بتكتشف انهم دون كيشوت..يحارب طواحين الهواء.. هم بتوع مخطط الخراب  يقربوا لكم، ولا بيقسموا معاكم، ولا بيدعموا  قرايبكم  عشان يمرروا كل مخطط ورا الاخر  اللي بينعش الفساد والبطالة  والسوق السودا؟! من أنتم؟!

- نهايته .. العم عشم حصل معه زيادة في إفرازات اللُعاب إستعدادا للتفافة، وتيبُس في مفاصل الأصبع الأوسط و بقاءه في وضع معين لمدة يومين بعد الحوار!!.